نسيم القلوب
اهلا وسهلا بيك زائرنا الكريم اذا كنت من الاعضاء فسجل دخولك وان كنت زائر فبادر بالتسيجل فى منتدانا .منتدى نسيم القلوب لكل البشر لكل الاعمار والاجناس. مع تحيات ادارة منتدى نسيم القلوب



 
الرئيسيةبحـثالتسجيلدخولتسجيل دخول الاعضاءمركز تحميل صور  منتدى نسيم القلوبدردشة

شاطر | 
 

 مصاااااااااااااااااايب وكوااااااااااااااااااااارث في رمضان !!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سارة
قلب بيتعلم يحب
قلب بيتعلم يحب
avatar

20 / 20020 / 200

رقم العضوية : 7
عدد المساهمات : 272
نقاط : 674
تاريخ التسجيل : 19/07/2011
العمر : 29
انثى

MMS : نسيم القلوب

مُساهمةموضوع: مصاااااااااااااااااايب وكوااااااااااااااااااااارث في رمضان !!!!!!   الأحد أغسطس 21, 2011 4:16 am

وأول مصيبة وأكبر مصيبة في رمضان هي
الإفطار عمداً في نهار رمضان !!
تلاقي الشباب ماشي بالسيجارة في الشارع في نهار رمضان وفرحان أووووي !!
وشباب تاني قاعد على الكافيتريا بياكل ولا بيشرب حاجة ساقعة !!!

حاجة كارثة بجد ..!!!!

لسه واحد صاحبي واحنا بنصلي دلوقتي بيقولي إن زميله في الشغل بيقوله إنه صام 3 ايام من ال 10 ايام اللي فاتوا بس والباقي فطرهم !!!

إنا لله وإنا إليه راجعون !!

يا شباب ياللي بستهينوا بالموضوع ده وفاكرينه عادي..
إنتوا كده بتهدموا ركن من الـ 5 أركان بتوع الاسلام !!!!

وعلشان ايه ؟؟
علشان سيجارة ولا حاجة ساقعة تضيع خُمس دينك وتغضب ربك
وتفرّط في ثواب إنت أحوج ما يكون إليه !!



تعالوا نشوف الوعيد واللعذاب اللي ربنا أعده للي بيفطر عمدا في نهار رمضان !


عن أبي امامة رضي الله عنه قال:
سعمت رسول الله صلى الله عليه وسلم يقول :

"بَيْنَما أَنَا نَائِمٌ إِذْ أَتَانِي رَجُلانِ، فَأَخَذَا بِضَبْعَيَّ، فَأَتَيَا بِي جَبَلا وَعْرًا، فَقَالا: اصْعَدْ فَقُلْتُ: إِنِّي لا أُطِيقُهُ فَقَالا: إِنَّا سَنُسَهِّلُهُ لَكَ
فَصَعِدْتُ حَتَّى إِذَا كُنْتُ فِي سَوَاءِ الْجَبَلِ إِذَا بِأَصْوَاتٍ شَدِيدَةٍ،
قُلْتُ: مَا هَذِهِ الأَصْوَاتُ؟ قَالُوا: هَذَا عُوَاءُ أَهْلِ النَّارِ ثُمَّ انْطَلَقَا بِي ،
فَإِذَا أَنَا بِقَوْمٍ مُعَلَّقِينَ بِعَرَاقِيبِهِمْ، مُشَقَّقَةٍ أَشْدَاقُهُمْ، تَسِيلُ أَشْدَاقُهُمْ دَمًا،
قَالَ: قُلْتُ: مَنْ هَؤُلاءِ؟
قَالَ: هَؤُلاءِ الَّذِينَ يُفْطِرُونَ قَبْلَ تَحِلَّةِ صَوْمِهِمْ".

رواه ابن خزيمة (1986) وابن حبان (7491) في صحيحيهما ، وصححه الألباني في "صحيح الترغيب والترهيب" (1 / 420).

قوله "قبل تحلة صومهم" معناه : يفطرون قبل وقت الإفطار.

الحديث ده دليل على عظم ذنب من أفطر في نهار رمضان عمداً من غير عذر ، فقد أطلع الله تعالى نبيه صلى الله عليه وسلم على عذاب المفطرين قبل وقت إفطارهم ، فرآهم في أقبح صورة وأبشع هيئة ، رآهم معلقين بعراقيبهم كما يُعلق الجزار ذبيحته ، رجليهم لفوق وراسهم لتحت!!، وقد شُقت أشداقهم ، والدم يسيل منها ..!!!

دي عقوبة اللي صام بس أفطر قبل معاد الافطار ..
ما بالكم بعقوبة اللي مش بيصوم !!!!

الفطر في رمضان من غير عذر كبيرة من كبائر الذنوب

يقول الذهبي رحمه الله في كتابة الكبائر :
" الكبيرة العاشرة : إفطار رمضان بلا عذر ولا رخصة .. "

قال الذهبي رحمه الله تعالى أيضا :
وعند المؤمنين مقرر أن من ترك صوم رمضان من غير عذر أنه شرّ من الزاني ومدمن الخمر ، بل يشكّون في إسلامه، ويظنّون به الزندقة والانحلال !!

وقال شيخ الإسلام ابن تيمية رحمه الله :
إذا أفطر في رمضان مستحلا لذلك وهو عالم بتحريمه استحلالا له ( يعني بيقول الفطر حلال ) وجب قتله ، وإن كان فاسقا عوقب عن فطره في رمضان. مجموع الفتاوى (25/265).


الواحد بيستعجب والله لما يلاقي الناس الي سنهم 70 و80 سنة وعندهم الكبد والكلى والسرطان بيصوموا .. وشبابنا اللي زي الورد وربنا مديهم الصحة بيفطروا !!!


شاب هيقول :
طيب انا مكنتش اعرف ان الموضوع خطير كده .. اعمل ايه دلوقتي ؟؟

هقولك :
اول حاجة : تتوب توبة نصوح لله عز وجل وتندم على اللي انت عملته وتنوي انك بإذن الله مش هتعمل كده تاني ابدا ..
وتكثر من الاعمال الصالحة والاستغفار ..

ثانيا : بعد انتهاء رمضان عليك بقضاء صيام الايام اللي أفطرتها
وربنا يعفو عنا وعنك ويهدينا جميعا لما يحبه ويرضاه ..





المصيبة التانية :

هي الفرجة على الافلام الاباحية وممارسة العادة السرية في نهار رمضان !!!

شاب بيحكي ويقولي إنه اهله كلهم بيروحوا يصلوا الفجر وهو يقولهم انا جاي وراكم وطبعا مبيصليش ويقعد في يتفرج على الافلام الاباحية!!
وبعدين يروح الشغل ويرجع الظهر وهما نايمين يتفرج تاني على البلاوي دي !!!
وشباب تاني حاول يمسك نفسه عن العادة السرية ولكن للاسف بيقع فيها واكتر من مرة في نهار رمضان !!!

يا ترى ايه العمل ؟؟؟؟؟؟؟؟؟؟؟


هقولك :

اول حاجة :
انت بتصوم عن الحلال .. الاكل والشرب بيبقوا قدامك ومحدش في البيت وتقدر تاكل وتشرب . ومع ذلك مش بترضى ..
وده دليل ان عندك ارادة ..
ليه بتضعف بالسهولة دي وبتقع بسرعة كده ؟؟؟

لااااااااازم تعرف شرف الزمان اللي انت فيه ..!
انت في شهر رمضان والناس كلها بتطيع ربنا .. معقول هتبقى انت المحروم ؟؟؟
إوعى تكون بعيد فى وقت الناس كلها بتحاول تقرّب!
إنت مش وحش قوى كده ؟؟؟
إنت فيك خير ولا يُحرم الرحمة في رمضان إلا محروم شقي ..
فبلاش تكون إنت منهم !!!

تاني حاجة :
لازم تجدد التوبة لله عز وجل وتندم على اللي فات وتنوي انك هتبدأ صفحة جديدة بإذن الله ومش هترجع للافلام والقذارة دي تاني !

تالت حاجة :
وهي انك لو حصل منك انزال لمني سواء بعادة سرية او بمشاهدة الافلام الاباحية..فكده فسد الصوم بتاعك !!
ولكن يجب عليك إنك تكمل صيام اليوم وتقضيه بعد رمضان !!


رابع حاجة :

اوعى تيأس !
اياك تقول إن مفيش فايدة !!!
ربنا غفور رحيم وباب التوبة مفتوح لحد اخر نفسك في عمرك ..
لو جاهدت نفسك ووقعت غصب عنك توب في ساعتها واندم وربنا هيقبلك ..
وبلاش نفسك تقولك إنك خلاص بقى مش نافعلك صيام ولا تراويح ولا قرآن وتقول خلاص مش هصلي ولا هعمل اي حاجة تاني !!!
بالعكس ..
ده إنت لازم تزود من الصلاة والذكر والقرآن ..
قال الله :
( إِنَّ الْحَسَنَاتِ يُذْهِبْنَ السَّيِّئَاتِ )

فإنت اوعى تيأس مهما وقعت ..
وتيقن إن ربنا هيقبل توبتك مهما عملت من الذنوب المعاصي .
بس غنت تتوب بجد وتاخد بالاسباب اللي تمنعك بإذن الله إنك تقع تاني ..

ومنها:

البعد عن النت خاااااااااااااااااااااااااااااااالص في رمضان
طول ما انت قاعد على النت هتلاقي نفسك بتقولك ادخل على الموقع ده وكلم دي وشيت مع دي وشوف الفيلم ده !!!
فات 10 ايام من الشهر !!
وحصل فيهم اللي حصل !!
مش هتقدر تستغنى عن النت 20 يوم في حياتك ؟؟؟
اعتبر يا سيدي إنه مفصول لاي سبب كان !
بلاش تضيع فرصة رمضان من ايدك !!

كلها كام يوم وهتلاقينا بنقول بكرة العيد !!
عايزين نصبر شوية ونجاهد نفسينا !!
والله بإذن الله لو صبرت ال 20 يوم دول واجتهدت فيهم ربنا هيفتح عليك وهيتقرب اليك وهيرزقك التوبة
وهتتغير وتبقى انسان جديد ..

ربنا يتوب علي وعليك ويهديني واياك لما يحب ويرضى ..





المصيبة التالتة في رمضان هي
تضيع الوقت
او زي ما بيقول الشباب وبيسموها
( قتل الوقت )

يا حبيب قلبي تقتل وقتك في رمضان ؟؟؟
ده معناه إنك بتقتل نفسك !!
معناه إنك بتضييع مستقبلك الاخروي !!
بتضيع من ايدك فرص مش هتتعوض تاني !
اليوم الي بيروح من عمرك مش هيرجع تاني ابدا !!
والله اعلم هتعيش لرمضان الجاي ولا لا ؟؟
وهتكون بصحتك وهتقدر تعمل الطاعات ولا لأ ؟؟؟
الثانية في رمضان اغلى من الدهب !!!!
رمضان النبي قال إن اللي مش هيتغفر له فيه هيدخل النار !!
أصل مش هتلاقي اوكازيون حسنات ومغفرة ورحمة وعتق اكبر من كده تاني !!!
متضيعش وقتك ..
خلي عندك اهداف وصمم انك لازم تحققها ..
لو حققت جزء منها على الاقل يبقى انت عملت حاجة بجد ..
قول هختم القران كل 3 ايام .. هصلي كل يوم 20 ركعة قيام ..
هاستغفر 1000 مرة وهسبح 20000 مرة ..
هملى يومي كله طاعات ..
وهستغل كل ثانية في اني اجمع اكبر قدر من الحسنات !!
لازم تكون تاجر شاطر وتحسبها صح !!

ولو شغلت وقتك بإذن الله مش هتفكر في اي معصية وهيكون سبب كبير في انك تنسى المعاصي كلها الفترة دي وتركز في انك تتغير بجد ..


يا شباب ..
ربنا بيقول :
(وَفِي ذَلِكَ فَلْيَتَنَافَسِ الْمُتَنَافِسُونَ)
والله العظيم هنندم وانا أولكم ..
بس مش دلوقتي ..
هنندم لما تلاقي نفسك يوم القيامة الحسنة الواحدة بتفرق في مصيرك يا جنة يا نار !!
هتندم لما تعرف إن الحساب بمثقال الذرة !!
لما تلاقي واحد قال سبحان الله وبحمده ومخدتش منه ثانية وصلته لدرجة اعلى منك في الجنة !
وهترجع تقول ياريتني ارجع تاني وانا هكسر الدنيا من العبادة ومش هضيع ثانية من عمري غير في طاعة !!

انت لسه في الدنيا .. وفيك نفس وعندك وقت تشتغل ..
مش عايزن نندم يا شباب ..
وياللا نـُري الله من أنفسنا خيراً ..

وإن شاء الله مش هيكون في مصايب تاني ..
ورمضان هيكون حاجة تانية بجد ..

المصدر: منتديات نسيم القلوب - nasem7lklob.forumegypt.net


الرجوع الى أعلى الصفحة اذهب الى الأسفل
عهد
عضوة مميزة
عضوة مميزة
avatar

90 / 20090 / 200

رقم العضوية : 3
عدد المساهمات : 1877
نقاط : 4022
تاريخ التسجيل : 08/07/2011
العمر : 105
انثى





MMS : نسيم القلوب

مُساهمةموضوع: رد: مصاااااااااااااااااايب وكوااااااااااااااااااااارث في رمضان !!!!!!   الأحد أغسطس 21, 2011 4:43 am


المصدر: منتديات نسيم القلوب - nasem7lklob.forumegypt.net



اذا غبت عنكم ولم تروني .... هذي مشاركاتي تذكروني
وإن طــالت مدة غيــــــابي ... فدعواكم لي ولا تنـســوني
وإذا بلغكم خــبر وفـــــاتي ...فأسترجعواالله وأستغفرولي
فلا تبخل على يا أخي وأختي بدعوةِ ... لعل الله أن يغفر ذنــوبي





الرجوع الى أعلى الصفحة اذهب الى الأسفل
 
مصاااااااااااااااااايب وكوااااااااااااااااااااارث في رمضان !!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نسيم القلوب :: منتديات نسيم القلوب الاسلامية :: مواضيع اسلامية-
انتقل الى:  
اخر المواضيع
قائمة الاعضاء
افضل 20 عضو
الدخول

حفظ البيانات؟
المواضيع الأخيرة
» The Walking Dead (2015)
الإثنين نوفمبر 21, 2016 1:56 pm من طرف admin

» اغنية وائل جسار بعدك بتحبو CD Q 320Kbps
الثلاثاء مايو 20, 2014 12:23 am من طرف admin

» اغنية شذي يلا يا مصري Master Q 192Kbps
الثلاثاء مايو 20, 2014 12:19 am من طرف admin

» اغنية فضل شاكر نسيتها CD Q 320 Kbps
السبت مارس 29, 2014 12:13 am من طرف admin

» برنامج TapinRadio Pro 1.59 لتشغيل اكثر من 15 الف قناه راديو
السبت مارس 29, 2014 12:09 am من طرف admin

» لمسات جميلة وبسيطة لتجديد المنزل
الخميس أغسطس 15, 2013 6:14 pm من طرف رنا

» مهرجان محمد رجب وفيلو دنيا الحكايات
الجمعة مايو 24, 2013 1:29 pm من طرف admin

»  الجامع لاحكام القران للامام القرطبي تفسير القرآن الكريم
الجمعة مايو 24, 2013 12:58 pm من طرف admin

» برنامج انترنت داونلود مانجر Internet Download Manager 6.15 Build 12 اخر اصدار
الخميس مايو 23, 2013 5:48 am من طرف admin

نسيم القلوب

↑ Grab this Headline Animator

أنت غير مسجل فى منتديات نسيم القلوب . للتسجيل الرجاء إضغط هنـا
انشرنا على المواقع الاجتماعية :
FacebookTwitterEmailWindows LiveTechnoratiDeliciousDiggStumbleponMyspaceLikedin
هذه الرسالة تفيد بانك غير مسجل فى منتديات نسيم القلوب للتسجيل اضغط هنااو اذا كنت عضوا معنا فاضغط زر الدخول بالجانب الايسر

تسجيل الدخول

ضع ايميلك واشترك ليصلك جديد المنتدى:

facebook

اعلان

اعلان2